Lembramos todos os 10 de marzo os acontecementos do 1972 en Ferrol, lembramos a Amador Rey e Daniel Niebla, vítimas mortais da policía franquista mentras se manifestaban para defender os dereitos dos traballadores nos estaleiros públicos de Ferrol.
49 anos despois e nun momento no que Galicia camiña cara o deserto industrial co beneplácito das administracións, a comarca de Ferrolterra escenario de compromiso e conciencia obreira, berra polo dereito ao traballo porque mentras exista a precariedade, o empobrecemento da clase traballadora e a vulneración dos dereitos humanos temos a obriga de manter viva a loita e o compromiso das persoas que como Amador e Daniel non dubidaron en reivindicar.
Desde Esquerda Unida neste día da Clase Obreira Galega celebramos a unidade sindical como camiño cara reforzar a loita da clase obreira, e facemos un chamamento á participación nas mobilizacións convocadas para este 10 de marzo en Ferrol.
Eva Solla, coordinadora nacional de Esquerda Unida, participará na mobilización convocada para mañá mércores 10 de marzo ás 12,00.
