A executiva nacional de Esquerda Unida manifesta a importancia que a presión social exerceu para acadar a parálise desta aberración medioambiental. A constancia e compromiso da cidadanía coa defensa do territorio e do medioambiente, foi quen de forzar a paralización deste proxecto de terrible impacto social, ambiental e económico na zona de Cabana de Bergantiños.
Yolanda Díaz coordinadora nacional de Esquerda Unida e deputada de Alternativa afirma que “a cidadanía foi quen de parar este proxecto destructor, o primeiro paso está dado, agora a pelexa continua até acadar a retirada definitiva do proxecto”.
