Vanessa Angustia defendeu esta semana no Senado o legado poético e de loita de Miguel Hernández.
“A poesía de Miguel Hernández sostense no tempo para loitar contra a inxustiza e defender a liberdade. É por iso que será o noso compromiso dar apoio a todas as homenaxes que sirvan de recoñecemento cara á figura de Miguel Hernández, militante do Partido Comunista. Así, defendemos o seu legado, a súa confianza na loita revolucionaria contra a explotación capitalista e contra o fascismo”, sinalou a senadora.
Finalmente, o Pleno do Senado aprobou a moción que instaba ao Goberno a dar un tratamento especial ao 75 aniversario da morte do poeta alacantino Miguel Hernández coa petición, entre outras iniciativas, da declaración da efeméride de “acontecemento de excepcional interese público”.
