A nosa organización entende que esta é a canle máis axeitada para producir os encontros de índole comercial e de negocios que están na orixe da visita.
Tamén queremos salientar que a composición da misión comercial e mailo seu financiamento parécenos que van na liña correcta. Deben ser os sectores económicos implicados os que protagonicen esta acción. Coidamos que esta iniciativa é un bo exemplo de como facer ben as cousas desbotando improvisacións, ocorrencias e autoritarismos estériles.
Reclamamos da alcaldía do concello que siga con interese esta iniciativa para, ao aprender dela, xerar e favorecer o necesario clima de diálogo e acordo entre as forzas políticas da cidade.
