Santiago de Compostela, 18 de xaneiro de 2013.- Alternativa Galega de Esquerda apoia a iniciativa dos traballadores de Privilege, a empresa de taboleiro de pedra de Narón, para se facer coa propiedade da factoría. Os obreiros, constituídos en sociedade limitada, queren así evitar o peche da firma. O accionista maioritario, o grupo Quarella, solicitou vai xa para un ano o concurso de acredores e por iso os empregados non queren que se faga coa totalidade de Privilege. Alternativa Galega de Esquerda solidarízase coa opción dos operarios, que ademais inclúe o mantemento dos 45 postos de traballo, algo que non estaría garantido se regresan os propietarios os que levaron a compañía á ruína.
