Os deputados do Grupo Parlamentario de Alternativa Galega de Esquerda asistirán mañán á concentración en memoria das vítimas do textil en Bangladesh que terá lugar na entrada ao centro comercial As Cancelas ás 19.30 horas.
A noite do sábado 112 traballadoras e traballadores morreron no incendio da fábrica de roupa Tazreen Fashions. Segundo o Bangladesh Centre for Workers Solidarity é o incendio máis grave na historia da industria téxtil de Bangladesh. O incendio de Tazreen Fashions xa non é o último. Oito traballadores resultaron feridos noutro incendio nunha fábrica de roupa en Daca, a capital de Bangladesh.
O Grupo Parlamentario quere manifestar o seu apoioáas reivindicacións da rede internacional Campaña Roupa Limpa, xunto cos sindicatos e organizacións de dereitos laborais de Bangladesh que reclaman ás marcas internacionais que actúen inmediatamente para asistir ás vítimas e que adopten medidas efectivas para previr máis incendios.
O inferno que viviron os traballadores este fin de semana únese a unha macabra lista de mortes nas fábricas de roupa: entre 2006 e 2009 morreron 414 traballadores en incendios de fábricas de roupa só en Bangladesh. En 2010, outros dous incendios en fábricas téxtiles levaron por diante a vida de 50 persoas. O pasado mes de Setembro, outro incendio nunha fábrica de roupa de Paquistán cobrouse a vida de case 300 persoas.
Moitas das mortes en Tazreen Fashions debéronse a que, ante a imposibilidade de escapar do lume, os/as traballadores/as saltaron ao baleiro desde a azotea do edificio de 6 pisos de altura, moitas outras morreron abrasadas. Un dos bombeiros que participou na extinción do lume sinalaba que non había nin unha soa saída de incendios. Os primeiros informes indican que o lume debeuse a un curto-circuíto. O 80% dos incendios en Bangladesh prodúcense debido a cables defectuosos.
Segundo a web de Tazreen Fashions, entre os seus clientes figuran Carrefour, C C&A, KIK y Walmart. A holandesa C&A xa confirmou a súa relación comercial coa fábrica incendiada.
A Campaña Roupa Limpa considera que as marcas internacionais veñen demostrando a máis absoluta neglixencia ao non abordar seriamente os problemas de seguridade nas fábricas onde subcontratan a produción o que converte ás fábricas en trampas mortais para os traballadores.
A Campaña Roupa Limpa xunto con sindicatos de Bangladesh e internacionais e outras organizacións de defensa dos dereitos laborais deseñaron un programa para mellorar a seguridade nas fábricas de roupa de Bangladesh que, ademais de incendios, sufriu outras traxedias relacionadas coa inseguridade das instalacións.
Empresas como PVH (propietario das marcas Tommy Hilfiger e Calvin Klein) e a alemá Tchibo xa se comprometeron mediante a firma dun Memorando de Entendimiento. Devandito acordo establece un plan de traballo exhaustivo que inclúe inspeccións independentes e transparentes dos edificios, formación e creación de comités de traballadores sobre temas de saúde e seguridade e a inclusión e participación real dos sindicatos locais nas fábricas como algún dos elementos fundamentais. A Campaña Roupa Limpa reclama ás empresas internacionais que se fornecen en Bangladesh que se somen inmediatamente a este programa para que se poida porse en marcha canto antes.
Entre as empresas que aínda están en negociacións e non asinaron este acordo se atopa Inditex tal e como destacan desde a Campaña Roupa Limpa quen aseguran que “non basta con trasladar o pésame ás vítimas, se se quere evitar traxedias como esta no futuro. As marcas de roupa deben asumir a responsabilidade de mellorar as condicións laborais nas fábricas de todos os países onde se fornecen, facendo respectar as normas internacionais do traballo e traballando cos representantes dos traballadores”.
Por todo isto, o Grupo Parlamentario de Alternativa Galega de Esquerda únese ao chamamento ás marcas internacionais, empresas provedoras e goberno de Bangladesh para que dunha vez por todas tomen medidas que preveñan máis mortes. Un primeiro paso é a firma do Memorando de Entendemento que propón os sindicatos de Bangladesh e organizacións de defensa dos dereitos laborais como a Campaña Roupa Limpa.
A patronal e o goberno de Bangladesh tamén teñen o seu parte de responsabilidade. O goberno debe conducir unha investigación inmediatamente sobre as causas do incendio e procesar a aqueles cuxa neglixencia causou a morte destes homes e mulleres. Tamén debe pór en marcha un programa nacional de seguridade na industria de roupa para garantir a seguridade dos edificios actualmente en uso e que as instalacións eléctricas cumpran cos estándares de seguridade.
Todos os propietarios de fábrica en Bangladesh deben revisar inmediatamente os procedementos de seguridade das fábricas, levar a cabo controles de seguridade dos seus edificios e da instalación eléctrica e comezar a traballar cos sindicatos locais para dar voz aos/as traballadores/as e formarlles en cuestións de seguridade.
