A devandita situación supón, a partires de xa, a redución de horas de servizo para unha treintena de traballadoras. e que supón, a partires de xa, a redución de horas de servizo para unha treintena de traballadoras.
O noso Grupo Municipal quere chamar a atención e reprobar a pasividade da concellería de benestar que coñecedora da problemática que acaece na empresa concesionaria resta na inanidade absoluta e se contenta con trasladar que é un problema que ocorre nunha empresa privada. Esquerda Unida quérelle lembrar á concelleira de benestar que esa empresa privada está a prestar un servizo público e que polo tanto correspóndelle ao Goberno Municipal a importante tarefa de velar polas condicións nas que este servizo se presta e polas condicións nas que desempeñan unha laboura extraordinaria para esta sociedade un conxunto de traballadoras.
Yolanda Díaz reclama do Goberno que controle e se impoña á empresa concesionaria para evitar arbitrariedades ligadas ao beneficio privado e garanta tanto a calidade do servizo canto as condicións de traballo nas que se presta.“Tócalle o Goberno Municipal poñerse da parte das traballadoras e dos usuarios e usuarias do servizo. Tócalle opoñerse as manobras da empresa. Tócalle defender os intereses xerais”, sinala Yolanda Díaz.
A nosa organización xa achegara no prego de contratación do servizo unhas importantes melloras no que atinxe ás condicións de traballo que deben respectar as empresas concesionarias. Non conquerimos empero que o PSOE asumira a necesidade de municipalizar o servizo, o que da pé a situacións deste teor, que pesan sobre as traballadoras e sobre a calidade do servizo en último termo.