O Grupo Municipal de Esquerda Unida – Os Verdes apoia e participará na manifestación do sábado 16 en defensa dos servizos sociais baixo o lema “o social non local” convocada pola plataforma servizos sociais para todas e todos que partirá da Praza de Pontevedra ás 11:30 h.
Esquerda Unida fai un chamamento á cidadanía, simpatizantes e afiliados para apoiar e participar na manifestación contra a reforma dos servizos sociais e lembra que a reforma que pretende quitar aos concellos de menos de 20.000 habitantes as competencias en servizos sociais é outro paso cara atrás; necesitamos reforzar a atención social desde o local diante desta gravísima emerxencia social na que nos atopamos. O Partido Popular, no canto de apoiar á cidadanía, dedícase a desmantelar por completo o sistema de atención social ás costas da “Carta Europea de Autonomía Local”, outorgando maior poder ás Deputacións Provinciais, que serán as encargadas de pór á venda os servizos prestados polos municipios, a cambio de menos competencias e autonomía para os concellos.
O portavoz de EU-V, César Santiso, indicou que “a reforma dos servizos sociais do goberno central, non é máis que outra xogada sucia do PP e a súa política anti-concellos anti-cidadá”. Un novo ataque á cidadanía que só traerá novas privatizacións, menos e peores servizos públicos, así como a perda de emprego municipal. Ante isto, temos que defendernos por medio da mobilización social, sindical e institucional coma resposta, para mostrar noso total rexeitamento a esta reforma atroz. Debemos frear, desde a rebeldía cidadá, esta reforma que traerá máis miseria para os que menos teñen.”