EU Ourense, vén de celebrar unha asemblea aberta, para tratar de elaborar, de xeito democrático e participativo, unha alternativa programática de esquerdas de cara ás vindeiras eleccións do 20 N.
Na presentación da convocatoria o coordinador de EU Ourense José M. González, lembrou o proceso de Refundación no que está inmerso Esquerda Unida, sendo este un acto máis que pretende a involucración e participación da cidadanía nun proxecto que permita loitar contra o avance das políticas neoliberais que están a acabar cos nosos dereitos.
Numerosos asistentes, afiliados, simpatizantes, colectivos sociais e persoas a título individual, conformaron o debate que se prolongou durante case dúas horas e no que xurdiron numerosas propostas que completan as 20 plantexadas como base pola organización.
Algunhas das propostas xurdidas foron:
-Recuperación do Imposto de Patrimonio
-Desaparición das SICAV
-Incompatibilidade de cargos públicos
-Limitar os ingresos dos cargos públicos (ninguén cobrará máis que o presidente do goberno)
-Desmilitarización progresiva do estado e consecuente reconversión da industria armamentística.
-Responsabilidades penais para o mal uso dos cartos públicos.
-Tasa Tobin
-Creación dunha Banca Pública
-Establecer os dereitos de eutanasia e de aborto como pactos de estado
-Reforma do sistema xudicial
-Bolsas de alugueiro, sometidas as pertinentes inspeccións e controis para establecer un precio de aluguer xusto
-Desaparición das deputacións
…
Ó remate da asemblea, entre os asistentes levouse a cabo a elección das catro persoas que Esquerda Unida presentará ó Congreso dos Deputados.
