Cultura

 

Dende EU entendemos que nunha sociedade plural, con conflictos internos entre os que destaca a clase obreira fronte ó capital, todas as expresións culturais deben ser analisadas baixo o  prisma dos intereses que serven.

 

Para a esquerda non todas as expresións culturais deben ser defendidas, porque cultura tamén son certos espectáculos de maltrato público de animais , o fetichismo relixioso ou caciquismo e non por iso deben ser defendidos.

 

Celebrar o 1º de maio na Picaraña con concerto de madrugada e actividades  diversas polo día, resulta incompatible coas manifestacións obreiras convocadas polos sindicatos.

 

Parécenos normal e respectamos que os devotos da santa cruz honren os seu símbolos máxicos, inda que denunciemos a manipulación e oportunismo eclesiástico e franquista de trasladar esta festa tradicional do día 3 para o día 1º de maio

 

Denunciamos con máis motivo, e con todo respecto,  que organizacións que se din de esquerdas colaboren nesta manipulación histórica e se desentendan das manifestacións sindicais nun momento de grave recesión económica e laboral.

 

Non queremos dar con iso leccións de civismo a ninguén, pero sí facer algunhas puntualizacións culturais e demarcar o territorio tamén neste campo, para evitar a confusión.

Relacionados