Esquerda Unida esixe maior protección da saúde da veciñanza da coruñesa diante da pasividade do goberno municipal. Semella preocupante observar como en tan so dous anos incrementouse nun 80% os días que se superou o límite apesares do descenso da actividade económica por mor da crise, así como a redución do uso de vehículos privados.
O grupo municipal de Esquerda Unida – Os Verdes considera que a permisividade goberno local diante das constantes descargas a ceo aberto no porto amosa as prioridades do PP que antepón os beneficios das empresas ao benestar da cidadanía, si ven é certo que non se incumpre a normativa europea que permite superar os límites durante 35 días, tamén o é que os poderes públicos deben velar pola saúde e seguridade da cidadanía e no caso do concello da Coruña.
Asemade, resulta paradigmático que apesares de que se coñeza a causa que provoca que se superen os límites, non se este a aplicar ningún tipo de medida dende o Concello.
O voceiro de EU-V, César Santiso, indicou que “o goberno municipal obvia as constantes denuncias da veciñanza dos Castros, o que provoca que moitos veciños e veciñas vexan agravados os seus problemas respiratorios e alérxicos”
