A suba dos prezos dos servizos públicos prestados polo concello e que agora tamén asume o ataque sen precedentes de Feijóo á función pública, ao admitir que vai aplicar ás traballadoras e traballadores do concello de Ferrol.
Esquerda Unida considera reveladora a asunción pola alcaldía de Ferrol do discurso e práctica ultraliberal de Rey Varela. A formación política de esquerdas e ecoloxista xa anuncia a presentación dunha batería de actuacións institucionais e de mobilización co obxecto de derrotar os anuncios e evitar a súa plasmación paráctica , obedientes a Feijóo, que fai o alcalde de Ferrol.
Yolanda Díaz pregúntalle ao alcalde de Ferrol canto quere subir os servizos públicos que presta o concello, desdecíndose daquel mantra co cal fachendeaba na oposición de non encarecer o custo dos servizos a nosa cidadanía. Tal reviravolta ten o nome de mentira.
A nosa organización traballará cóbado con cóbado co resto da oposición para tentar impedir este atraco social que pretende agora perpetrar o PP. Esquerda Unida reunirase coa representación sindical das traballadoras e traballadores de Ferrol ao obxecto de opoñer unha fronte común contra o ataque do PP.
Esquerda Unida vai desenvolver todos os esforzos necesarios para traballar de maneira unitaria con todos os sindicatos e organizacións opostas a semellante ataque contra a clase traballadora na procura de derrotalo.