Máis precariedade sanitaria

Alternativa Galega de Esquerda esixe a Consellería de Sanidade que faga cumprir o prego de condicións á empresa adxudicataria do mantemento de equipos electromédicos do hospital de Valdeorras, Iberman SA, para que arranxe de xeito inmediato a incubadora e o resto de estragados e que están a provocar graves prexuízos as parturientes que se ven obrigadas a percorrer os 120 quilómetros ata Ourense para evitar riscos tal e como denuncia o propio persoal.

Esta situación resulta totalmente inadmisible tal e como denunciou a deputada de AGE, Eva Solla, e evidencia o que ten denunciando o seu grupo parlamentar en repetidas ocasións ao afirmar que as continuas privatizacións que está a sufrir a sanidade pública no noso país por parte dos gobernos do Partido Popular o único que provocan é precariedade laboral e empeoramento da calidade asistencial.

O que está a acontecer no hospital de Valdeorras é feito grave aínda máis preocupante escoitando as denuncias do persoal que aseguran que os retrasos na reparación de maquinaria por parte da empresa adxudicataria non é algo puntual senón que se ten repetido en diversas ocasións afectado ao desenvolvemento da actividade diaria do hospital.

Por todo isto, Alternativa Galega de Esquerda esixe a Consellería de Sanidade e a súa responsable Rocío Mosquera que actúe de inmediato defendendo, como é a súa obriga, o interese dos usuarios e usuarias e non mirar cara outro lado ante os incumprimentos da empresa adxudicataria.

Relacionados