O grupo municipal de EU-V apoia a mobilización convocada por Stop deshaucios na Coruña e que tamén se desenvolverá por todo o estado convocada pola plataforma de afectados pola hipoteca.
O voceiro de EU-V, César Santiso, que participou onte na rolda de prensa da plataforma para convocar a cidadanía a mobilización, indicou “moitas das medidas que esixe o colectivo coinciden coas nosas propostas presentadas no congreso dos deputados ou no propio concello como a solicitude do noso grupo municipal para que o concello asinase un convenio con Nocacaixagalicia para xestionar en aluguer social o parque de vivendas valeiras da entidade financeira”.
