EXPOSICIÓN DE MOTIVOS:
1º.- Que en relación a proposta de nomear a Xosé Carlos Gómez Alfaro, Fillo Adoptivo de A Guarda, apoia tódalas iniciativas que culminen co devandito nomeamento.
2º.- Que ese nomeamento, é, o noso entender, unha débeda de gratitude que o Pobo de A Guarda, representado polo seu Concello e Corporación Municipal, ten contraída co profesor e poeta, Xosé Carlos Gómez Alfaro.
3º.- Que Xosé Carlos Gómez Alfaro, exerceu como galego, como vecinho, como profesional do ensino e como escritor e poeta, mantendo un firme compromiso coa nosa xente, coa nosa Lingua e coas liberdades democráticas.
4º.- Que Xosé Carlos Gómez Alfaro viviu e traballou na Guarda, e foi eiquí precisamente onde callou súa mestría poética. Asemade, foi no noso pobo onde xestou moitas das súas obras. Mesmo a algúns dos seus poemas puxéronlle música o compositor José Luís Lorenzo Rodríguez e o cantautor Tino Baz Baz, creacións publicadas en numerosos poemas que, por desexo do propio autor, foron presentados na nosa vila.
5º.- Que ninguén que conhecese de preto a Xosé Carlos Gómez Alfaro, dubida do seu compromiso coa Historia do noso País e cos que deron mesmo a vida, en defensa das liberdades democráticas
6º.- Que Xosé Carlos Gómez Alfaro foi un poeta que amou as verbas do agro e do mar, legándonos colleitas abondosas e un ronsel de poemas nos que A Guarda e o Ribeiro, son os eixos da súa inspiración poética.
Por iso, e por moitas razóns máis, coidamos que en xusta correspondencia, tódolos guardeses de ben estarésmolle agradecidos por todo canto Xosé Carlos Gómez Alfaro fixo, por e para A Guarda.
ESQUERDA UNIDA SOLICITA:
Que o Alcalde de A Guarda, convoque un Pleno Extraordinario co Orde do Día:
Nomeamento de fillo adoptivo do Concello de a Guarda o escritor e poeta Xosé Carlos Gómez Alfaro.
Relembrar súa figura humana e literaria, promovendo un certame poético que leve seu nome.
Dedicarlle unha rúa
