O pasado mes de marzo, Esquerda Unida denunciaba no Parlamento Europeo a través dos eurodeputados de IU, a gravidade da persecución á que se estaba a someter aos representantes sindicais dos traballadores de Alu-Ibérica na Coruña.
Tras esta denuncia presentada ante Comisario de Emprego da Unión Europea, Nicolas Schmit, Esquerda Unida vén de recibir a resposta escrita na que o comisario manifesta a preocupación por esta situación de represión contra os traballadores.
Así ben, lembrabamos na denuncia presentada ante a Comisión Europea o contexto de mobilizacións no que daba esta persecución e despido de catro sindicalistas, ante o desmantelamento industrial, empeoramento das condicións laborais e incumprimento de acordos por parte da empresa.
O comisario europeo informado desta situación laboral e industrial da comarca, indica na súa carta de resposta que ademais de “compartir a preocupación” sobre as prácticas da empresa que son “particularmente preocupantes” solicitará ao seu equipo que “supervise de cerca a situación dos representantes de ALU IBÉRICA”.
