O Goberno progresista de coalición de PSOE e Unidos Podemos vén de firmar esta mañá, xunto cos axentes sociais, a suba do SMI a 950 euros. Esta suba do SMI é un aumento, con carácter retroactivo dende o 1 de xaneiro, que terá un impacto global en máis de dous millóns de traballadoras e traballadores.
“Obedecemos ao mandato de defender ás clases populares. Este acordo social, a suba do salario mínimo, serve para mellorar a vida da xente”, dixo nada máis comezar a rolda de prensa a Ministra de Traballo, Yolanda Díaz.
Segundo explicou Díaz, “este aumento procede do diálogo cos axentes sociais e do mandato da maioría social”. Díaz, que se reuniu con representantes de CCOO, UGT, CEOE e CEPYME, antes de realizar o anuncio, asumiu que a medidad “mellorará a vida das traballadoras e dos traballadores”.
A subida, que será con carácter retroactivo desde o 1 de xaneiro, terá un impacto global en máis de dous millóns de traballadoras e traballadores, “a falta de avaliar a incidencia que terá nos empregos a tempo parcial”, recalcou a titular de Traballo.
Díaz cualificou este acordo como “o primeiro grande acordo social da lexislatura” que marcará o inicio dunha senda de “diálogo con maiúsculas, de xeito conxunto con todos os axentes sociais”. “A suba, acumulada, do salario mínimo de case un 30% é moi importante para as mulleres do noso país. Pois as máis pobres sempre somos as mulleres”, dixo.
Ver a rolda de prensa dende aquí:
