ESQUERDA UNIDA súmase activamente a chamada sindical para loitar polo futuro do sector naval vigués. Esta semán o eurodeputado Willy Meyer deu traslado a unha queixa á comisión europea ante a grave situación de emerxencia económica que pode supoñer a paralización do tax-lease na nosa comarca. Igualmente Gaspar Llamazares trasladará preguntas á vicepresidente económica Elena Salgado sobre a situación do sector e as medidas que pretende levar a cabo o goberno central para a súa salvación.
ESQUERDA UNIDA sumarase activamente á mobilización do xoves 21 (como así o ten feito nos 25 anos de existencia na cidade de Vigo) acudindo novamente á respaldar a un sector esencial para o desenvolvemento socioeconómico da nosa comarca cíclicamente amenazado nos últimos 20 anos.
A secretaría local de emprego de ESQUERDA UNIDA lembra que estamos ante un sector que actualmente ten escasamente en activo en torno a 1500 empregados, estando o resto en expedientes temporais de regulación de emprego e estando fóra do sector por ERES de extinción, peches ou despidos miles de traballadores e traballadoras. Pero que foi un sector que en 2008 e 2009 empregaba case a 10.000 personas na nosa comarca. EU coñece o que aconteceu en comarcas como Ferrolterra, Xixón ou Cádiz cando a crise do sector expulsou a miles de traballadores e traballadoras do mesmo provocando unha crise económica, social e de despoboamento que aínda hoxe é endémica.
EU chama a cidadanía viguesa a volcarse co sector e especialmente este 21 de xullo, aos traballadores doutros sectores, ao movemento veciñal a asociativo, ao movemento 15M e os indignados que exemplarmente mobilizaráronse pola democracia real, porque democracia real tamén é a democracia económica e o dereito a que Vigo e Galicia tamén teñan industria productiva e xeneradora de emprego.
