Esquerda Unida anuncia que inclúe no seu programa as propostas “por unha Coruña se fronteiras”. Froito do traballo conxunto en varias xuntanzas da Asociación sen papeis da Coruña e o Consello comarcal de Esquerda Unida. Así, entre outras medidas destacan:
· Compromiso do concello en mostrar tolerancia cero ante os feitos de racismo e discriminación por motivos étnicos ou de nacionalidade.
· Compromiso do concello en facilitar o acceso ás situacións de arraigo, mediante os informes municipais positivos.
· Compromiso do concello de facilitar ao máximo os procesos de empadronamento para as persoas estranxeiras, con e sen papeis.
· Cese do acoso policial ás persoas migrantes, con e sen papeis. Adhesión do concello á campaña “Ciudades sin Fronteras“.
· Facilitación do acceso a licencias para a venda ambulante. Facilitación do acceso a autorizacións para o traballo por conta propia.
· Acceso aos cursos de formación e capacitación laboral para persoas estranxeiras, con e sen papeis.
O coordinador comarcal de EU e candidato á alcaldía, César Santiso, afirmou que “aínda que algúns falan de programa participado e de participación cidadá, queda claro quen actúa como fala, logo das cinco achegas completas que EU-V asume para o seu programa de Goberno”.
Finalmente, o consello comarcal de EU Coruña, fiel a democracia participativa que defende, afirma que ten a intención de asumir aínda unha nova achega do tecido social para incluír no seu programa electoral que pechará definitivamente mañá, pero anima a outras organizacións sociais a facer achegas que aínda que non se podan incorporar no programa, EU-V defenderá con igual intensidade.
Anexo V do programa coas propostas a Asociación Sen Papeis da Coruña