O Centro Cultural Torrente, sinal distintivo da nosa xestión a prol dunha cidade afincada na cultura máis contemporánea e alternativa, albergará o acto público de presentación dunha candidatura fornecida e anovada, quen de conectar coas arelas e demandas da cidadanía crítica e alternativa.
Queremos achegar unha proposta quen de producir ilusión no ámbito da esquerda nacional galega, cun programa municipal situado na esquerda alternativa e con persoas cunha probada capacidade de xestión e de resolución das problemáticas que ten a nosa cidade.
Programa e candidatura que constitúen os elos claves para afirmar e redobrar o noso compromiso de traballo coa maioría social traballadora da nosa cidade.
