Esquerda Unida de Vigo considera que as partidas importantes dos orzamentos 2013 eran meramente publicitarias e pide que se publicite a porcentaxe real de execución antes de prorrogalos. Pide participación directa e decisora da cidadanía nos que se elaboren en 2014.
EU pide que os orzamentos 2014 no capítulo de inversións sexa decidido polo tecido asociativo da cidade tal e como se fai en outras cidades do estado. “Quen mellor que a cidadanía para saber que infraestructura ou mellora é necesaria no seu barrio” suliña Rubén Pérez
ESQUERDA UNIDA de Vigo xa anunciara cando se presentaron os orzamentos 2013 que era un suicidio orzamentario consignar de novo créditos bancarios e elevar ostensiblemente a débeda municipal en tempos nos que outras fontes de ingresos municipais corrían risco de mermar (transferencias de outras administracións, recadación tributaria…) e consideraba significativo que Abel Caballero no marco da FEMP pelexara máis porque os grandes concellos tivesen máis capacidade de endebedamento que, dacordo coa demanda histórica da institución, loitar pola maior participación na redacadación total tributaria das administracións locais.
Naquela altura EU sinalou que tamén estes orzamentos recorrían a idea dos impostos directos como vía de financiación, non explorando vías de sistemas impositivos xustos como o incremento do IBI nun 100% á vivendas desocupadas ou impulso recaudador das tasas existentes sobre ocupación lucrativa de espacios públicos para entidades bancarias ou empresas de telefonía móbil, agora parece que o concello autoenméndase pero seguimos sen ter un pleneamento serio de incentivar a recadación mediante estas fórmulas.
EU considera que o tempo do “saco sen fondo” das chamadas políticas keynesianas do alcalde xa “toca fondo” ante a evidencia de que non xeneran emprego digno e simplemente axudan á conta de resultados de empresas constructoras.
