Recordemos que o Regato da Venda desemboca no río Tea misturado con augas residuais. Foi despóis da movilización dos veciños de Canedo, que pedían a separación das augas limpas do regato das augas residuais cando finalmente Luis Piña, deputado do PSOE, se comprometeu públicamente a acometer esta obra.
Seis meses despóis e logo de centos de notas de prensa nas que se anunciaba que se iva a utilizar unha tuneladora para levar o Regato da Venda, libre de augas residuais ata o rio, nada está feito.
Moito nos tememos que, dada a relevancia pública acadada pola movilización dos veciños de Canedo, que chegaron a ser agredidos pola policía por tentar de impedir que se construíra a rotonda de Canedo enriba do regato, a promesa de separar as augas do Regato da Venda das augas residuais, non foi máis que unha maniobra electoral.
Esquerda Unida denuncia que a obra da rotonda de Canedo foi unha chapuza posto que ao estar feita enriba da unión do regato coas tuberías que levan augas residuais, ven a dificultar aínda máis a separación das augas.
Para González Lago, esta situación é responsabilidade tanto do goberno do PSOE, posto que a obra da rotonda foi realizada polo Ministerio de Fomento, como do PP de Ponteareas por ser incapaz de aprobar un PXOM para Ponteareas que podería evitar este tipo de situacións.