Llamazares e terreos militares

 

 

Esquerda Unida  vai reivindicar  no contexto da necesaria  ampliación dos espazos da universidade  que   o cuartel de Dolores, e os espazos conexos de Batallóns e Campo de Abaixo, asemade da residencia de oficiais sexan os elementos que garantan a ampliación da universidade no corazón da nosa cidade.

 

Esquerda Unida desenvolverá  unha batería de iniciativas no Congreso  na procura de conquerir a desafectación dunha serie de instalacións militares  radicadas na zona de Esteiro e que deberían de servir para ampliar a universidade.

 

A  histórica débeda que o exército mantén coa nosa cidade pode ser con esta operación  en parte amortizada, ao través da  desafectación destes terreos e instalacións para uso universitario. A universidade supón, hoxendía unha grande oportunidade para desenvolver as capacidades de futuro de Ferrol.

 

Ao xuízo do Grupo Municipal de EU cómpre que dende o concello se amose receptividade  coas iniciativas axeitadas para prever o desenvolvemento no medio prazo do campus de Ferrol: esta é unha delas sen nengún xénero de dúvidas.

Relacionados