A realización desta infraestrutura conta co respaldo unánime da veciñanza da zona e resta pendente de facerse sen que coñezamos no día de hoxe os motivos da súa non execución.
Esta obra orzamentouse ao abeiro do Plan de Travesías 2008-2011 da Deputación provincial, na primeira metade de 2008, aprobándose na sesión de 29 de febreiro e publicándose no BOP de 12 de abril. Catro anos após semella tempo abondo para terse realizado.
Javier Galán inquiriu na Comisión a cerca da execución desta obra e dos cartos públicos afectos á mesma, quedando enrriba da mesa a contestación do Goberno Municipal para os próximos días. O concelleiro de Esquerda Unida insistiu na relevancia da obra.
A importancia da obra resulta correlativa ao volume do investimento e semella necesario acometela xa para satisfacer unha necesidade de seguridade vial da veciñanza. Esquerda Unida continuará nas vindeiras datas facendo o labor de seguimento deste investimento público para a parroquia de Covas.