Esquerda Unida esixe de Fomento que asuma as súas responsabilidades coa nosa cidade, en particular coa Zona Rural, coas parroquias de Doniños e Mandiá afectadas de xeito severo polas obras realizadas polo Ministerio nesas áreas.
Este Grupo quere lembrar a situación de abandono das demandas unha e outra vez reiteradas da Zona Rural, da man da falla de previsión do Goberno e a súa neglixente execución das actuacións comprometidas. Neste senso, Esquerda Unida aproveita para reclamar do Goberno información acerca da falla de cumprimento do acordo orzamentario, que contemplaba a inclusión de cse un millón cen mil euros para atender a situación de abandono da Zona Rural, partida que foi unha das esixencias achegadas por Esquerda Unida nesa negociación.